Britni Spirs Asqeri ilə evliliyini ağrı adlandırıb

Müğənni Britni Spirs Sem Asqeridən boşanmasına münasibət bildirib, evliliklərini ağrı adlandırıb.

“Hər kəsin bildiyi kimi, Semlə artıq ayrılmışıq. Mən bir az şokdayam. Amma düzünü desəm, daha bu ağrıya dözə bilmirdim”, - deyə müğənni bildirib.

Qeyd edək ki, hazırda müğənni ilə həyat yoldaşının boşanma prosesi gedir. Avqustun 18-də Sem Asqeri müğənninin xəyanətləri barədə məlumat aldığını deyib. Boşanmaya səbəb kimi də Spirsin xəyanətini göstərib.

Nikah müqaviləsinə görə, Spirs boşanma halında Asqeriyə pul ödəməyəcək, lakin o, həyat yoldaşının hədiyyələrini, o cümlədən bahalı avtomobilləri özündə saxlaya biləcək.

Mənbə: İzvestiya