Alimlər xəstələrin "ChatGPT" ilə yazışmalarına əsasən çatbotların istifadəsinin psixoza səbəb olduğunu müəyyən ediblər.
Oxu.az xəbər verir ki, bu barədə "The Wall Street Journal" məlumat verib.
Kaliforniya Universitetinin psixiatrı Keyt Sakata bildirib ki, çatbotlar mütləq şəkildə psixoloji pozğunluqlara səbəb olmur. Lakin onlar psixi problemləri olan şəxslərin vəziyyətini kəskinləşdirirlər.
"Texnologiya yanıldıcı ola bilər. İnsan kompüterə öz xəyali reallığı haqqında danışır və kompüter bunu həqiqət kimi qəbul edərək onu əks etdirir. Beləliklə, insan bu xəyalın real olduğuna daha da əmin olur", - deyə psixiatr bildirib.
