Rusiyada Çelyabinsk vilayətinin Kopeysk şəhərində yerləşən müəssisələrdən birində partlayış nəticəsində ölənlərin sayı 18-ə çatıb.
Oxu.Az-ın məlumatına görə, bu barədə "İzvestiya"nın mənbəyi bildirdi.
Qeyd olunur ki, dağıntıların təmizlənməsi davam edir.
Daha əvvəl Kopeyskdəki partlayışda həlak olanların sayının 13-ə çatdığı bildirilmişdi.
Kopeyskdə müəssisədəki partlayış haqqında 22 oktyabr tarixində məlum olub. Hadisə yerində yanğın başlayıb və yanğın zamanı zavodda daha bir partlayış qeydə alınıb. Partlayışın təhlükəsizlik qaydalarının pozulması səbəbindən baş verdiyi ehtimal edilir. Hazırda partlayışın nəticələrinin aradan qaldırılması işləri davam edir.
