Cənubi Koreya prezidenti göstəriş verdi: "Pxenyanla dialoq bərpa edilsin"

Cənubi Koreyanın yeni prezidenti Li Çje Myon Cənubi və Şimali Koreya arasında dialoq kanallarının dərhal bərpası barədə göstəriş verib.

Oxu.Az bu barədə "Yonhap"a istinadla xəbər verir.

"Hərbi gərginliyi azaltmaq və dinc atmosfer yaratmaq üçün biz dərhal Cənub-Şimal dialoq kanalını və böhranın idarə olunması sistemini bərpa edəcəyik", - deyə siyasətçi bildirib.

"Koreya yarımadasında hər kəsin dinc yanaşı yaşaya və çiçəklənəcəyi yeni dövrün başlaması üçün əlimdən gələni edəcəyəm", - deyə o söz verib.