Ən son xəbərləri bizim "X" səhifəmizdə izləyin
Cənubi Koreya yeraltı bunkerləri məhv etmək üçün raket hazırlayır
Koreya Respublikası yeraltı istehkamları vura bilən yeni raketin hazırlanmasına 218 milyon dollar (370,6 milyon manat) sərmayə qoymağı planlaşdırır.
Bu barədə Cənubi Koreyanın Milli Müdafiə Tədarükü Proqramları İdarəsi (DAPA) xəbər verir.
Verilən məlumata görə, yeni raket məsafə və nüfuzetmə qabiliyyəti kimi əsas göstəricilərə görə mövcud oxşar silah sistemini üstələyəcək. DAPA yeni silahın texniki xüsusiyyətləri barədə təfərrüatlı məlumat verməyib, lakin onun uçuş məsafəsinin 180 km-dən 300 km-ə qədər artacağı gözlənilir. Raketin təkmilləşdirilmiş versiyası mobil buraxılış qurğularında yerləşəcək.
Qeyd olunur ki, yeni sursat tunellərdə və bunkerlərdə gizlənmiş hədəflərə yüksək dəqiqliklə zərbələr endirməyə imkan verəcək.
2027-ci ildə başa çatdırılması planlaşdırılan layihədə Cənubi Koreyanın aparıcı müdafiə şirkətləri iştirak edir. DAPA işlərin gedişinə nəzarət edəcək.
Bu ilin əvvəlində departament 1,17 milyard dollar (1,989 milyard manat) ayrılan Koreyanın "Yer-yer" taktiki raketinin (KTSSM) təkmilləşdirilmiş versiyasının hazırlanması proqramının başlandığını elan edib. Onun yaradılmasının 2032-ci ilə qədər başa çatdırılması planlaşdırılır.
Mənbə: TASS
"Cənubi Koreya" teqi üzrə xəbərlər
- Cənubi Koreya Prezidenti Yun Sok Yol həbs edildi
- Koreyada təyyarə qəzası ilə bağlı yeni təfərrüat məlum olub
- Cənubi Koreyada prezidenti həbs etməyə qoymayan mühafizə xidmətinin rəhbəri istefa verdi
- Şimali Koreyadan yeni ildə ilk raket buraxılışı: ABŞ-yə hədə-qorxu gəlir?
- Polisə Cənubi Koreya prezidentini həbs etmək hüququ verildi
Rəylər