Cənubi Koreyanın Tecon şəhərindəki "Hanwha Aerospace" müdafiə korporasiyasının zavodunda baş verən partlayış nəticəsində azı dörd nəfər ölüb, iki nəfər yaralanıb.
Oxu.Az xəbər verir ki, bu barədə "Yonhap" agentliyi yerli polisə istinadən məlumat yayıb.
Partlayış yerli vaxtla səhər saat 10:59-da (Bakı vaxtı ilə səhər saat 5:59 - red.) baş verib.
Prezident Li Cje Myon hadisəyə reaksiya verərək insanların xilas edilməsi üçün bütün resursların səfərbər edilməsini tapşırıb.
Yanğınsöndürənlər partlayışdan sonra başlayan yanğını söndürməyə çalışırlar.
Qeyd olunur ki, xilasetmə xidmətləri yanğın lokallaşdırıldıqdan sonra qurbanların dəqiq sayını müəyyənləşdirəcək və hadisə ilə bağlı ətraflı araşdırma aparacaq.
İlkin qiymətləndirməyə görə, partlayış zavodun birinci mərtəbəsində mühərrik qurğularında istifadə olunan yanacağın alovlanması nəticəsində baş verib.
