Azərbaycanın xarici işlər naziri Ceyhun Bayramov Türkdilli Dövlətlər Təşkilatının Xarici İşlər Nazirləri Şurasının təcili iclası çərçivəsində İstanbulda özbəkistanlı həmkarı Bəxtiyor Saidovla görüşüb.
Oxu.Az xəbər verir ki, bu barədə Azərbaycan Xarici İşlər Nazirliyi (XİN) öz "X" hesabında məlumat verib.
Məlumata görə, nazirlər Azərbaycan-Özbəkistan strateji tərəfdaşlığını, siyasi və iqtisadi sahələrdə, eləcə də regional koordinasiya sahəsində əməkdaşlığın genişləndirilməsi perspektivlərini, həmçinin Türkdilli Dövlətlər Təşkilatı çərçivəsində koordinasiyanı müzakirə ediblər.
Eyni zamanda Yaxın Şərqdə davam edən hərbi eskalasiya ilə bağlı fikir mübadiləsi aparılıb.
Azərbaycanın xarici işlər naziri Ceyhun Bayramov türkiyəli həmkarı Hakan Fidanla İstanbulda görüşüb.
Oxu.Az xəbər verir ki, bu barədə Türkiyə XİN məlumat yayıb.
Qeyd edək ki, bu gün İstanbulda Türk Dövlətləri Təşkilatının Xarici İşlər Nazirləri Şurasının qeyri-rəsmi iclası baş tutacaq.
