Çin hərbi gücünü o qədər artırıb ki, qısa müddətdə hərbi əməliyyatlara başlamağa hazırdır. Bununla əlaqədar olaraq Tayvan üçün təhlükə artıb.
Oxu.Az xəbər verir ki, bu barədə "Financial Times" hərbi rəsmilərə və ekspertlərə istinadən məlumat verib.
Nəşr yüksəkrütbəli tayvanlı məmura istinadən yazır ki, Çinin hava qüvvələri və raket bölmələri istənilən vaxt sülh dövründən müharibə dövrü əməliyyatlarına keçə biləcək qədər təkmilləşib.
Qeyd olunur ki, Çinin hərbi əməliyyatları hazırda çıxış limanları yaxınlığında amfibiya qüvvələrinin davamlı təlimini, onun hava qüvvələrinin hazırlığının müntəzəm yoxlanılmasını və adada istənilən nöqtəni vura bilən raket sistemlərinin sınaqdan keçirilməsini əhatə edir.
