Belçika millisi və "Napoli"nin yarımmüdafiəçisi Kevin De Bruyne sağ budundakı zədə səbəbindən 2026-cı il dünya çempionatını buraxa bilər.
Oxu.Az xəbər verir ki, bu barədə "The Sun" məlumat yayıb.
Məlumata görə, "Napoli" klubu da 34 yaşlı futbolçu üçün cari mövsümün başa çata biləcəyindən narahatdır.
Qeyd edək ki, dünya çempionatının seçmə mərhələsinin altı turundan sonra Belçika komandasının 14 xalı var və o, J qrupunda birinci yerdədir. Belçikalılar üçün seçmə turnirin qrup mərhələsinin bitməsinə iki oyunu qalıb.
Xatırladaq ki, DÇ-2026 iyunun 11-dən iyulun 19-dək keçiriləcək.
