Dilan-Engin Polat cütlüyünün vəkili etiraf etdi: “İnternet üzərindən etdikləri satışlar belə...” - FOTO

Çirkli pulların yuyulması, vergidən yayınma və təşkilat üzvü olmaqda ittiham edilərək həbs edilən Dilan Polat və Engin Polat cütlüyünün vəkili danışıb.

Cütlüyün maliyyə işlərini aparan vəkil Ahmet Gün peşman olduğunu etiraf edərək azadlığa buraxılması üçün bəzi açıqlamalar verib.

Həbsxanadan jandarmların müşayiəti ilə prokurorluğa aparılan və 3 saat ifadə verən Ahmet Gün Polat ailəsinin milyonlarla lirəlik saxta qaimə təqdim etdiyini və internet üzərindən edilən satışların real olmadığını nəzərə çatdırıb.

Ahmet Gün qeyd edib ki, cütlüyün saxta qaimə verdiyi şirkətlərdən biri olan “BYZ Gün Güzellik Kozmetik İthalat İhracat Sanayi ve Ticaret” şirkəti onun öz qızına məxsus olub. O, şirkətlərin saxta qaimə vermək üçün yaradıldığını vurğulayıb və başında da Engin Polatın atası Sezgin Polatın dayandığını iddia edib.

“Dipomed Medikal Kozmetik”, “Rise And Shine” və “DP Güzellik A.Ş.” şirkətləri üçün saxta qaimə verildiyini deyən vəkil ailənin internet üzərindən etdiyi “Rise And Shine” satışlarının çox görünməsi ilə bağlı da danışıb. “Ləğv edilən şirkətlərdən saxta qaimə hazırlanması məqsədilə istifadə edilirdi”, - deyə o qeyd edib.

Ahmet Gün ailənin əldə etdiyi pulun qanunsuz mərc oyunları və ya çirkli pulların yuyulmasından qaynaqlandığından şübhələndiyini dilə gətirib.

Lakin prokurorluq Ahmet Günün verdiyi məlumatların səthi və qeyri-kafi olduğu qənaətinə gəlib və onun azadlığa buraxılması tələbi rədd edilib.

Ahmet Gün ifadə verdikdən sonra Mərmərə Həbsxanasından Tekirdağ Qapalı Cəza Müəssisəsinə göndərilib.

Mənbə: Haber Global