Dünyada bir milyarddan çox insan və ya hər yeddinci insan psixi pozğunluqlardan əziyyət çəkir.
Oxu.Az-ın TASS-a istinadən xəbərinə görə, bu barədə Ümumdünya Səhiyyə Təşkilatının (ÜST) dünyada psixi sağlamlığın hazırkı vəziyyəti ilə bağlı hesabatında məlumat verilir.
"Dünya əhalisinin 14%-i - bir milyarddan çox insan psixi pozğunluqlardan əziyyət çəkir və onların çoxu dünya əhalisinin əksəriyyətinin yaşadığı, aşağı və ortagəlirli ölkələrdədir", - deyə hesabatda bildirilib.
Bu məlumata əsasən, narahatlıq və depressiv pozğunluqlar ən çox rast gəlinənlər arasındadır. Qeyd olunub ki, psixi pozğunluqların, demək olar ki, yarısı 18 yaşından əvvəl özünü göstərməyə başlayır.
Hesabata görə, psixi pozğunluqların yayılması cins və yaşa görə dəyişir. Beləliklə, kişilər daha çox diqqət və hiperaktivlik çatışmazlığı, autistik spektr pozğunluqlarından, qadınlar isə narahatlıq, depressiv və qida pozğunluqlarından əziyyət çəkirlər. Bildirilib ki, 40 yaşdan sonra depressiv pozğunluqlar narahatlıq pozğunluğundan daha çox yayılır və 50-69 yaşlarında pik həddə çatır.
