Əfqanıstanda 5.4 maqnitudalı zəlzələ qeydə alınıb.
Oxu.Az xəbər verir bu barədə Avropa-Aralıq dənizi Seysmoloji Mərkəzi məlumat yayıb.
Məlumata görə, yeraltı təkanlar bu gün Bakı vaxtı ilə saat 15:12-də Tacikistanla sərhəd yaxınlığında baş verib.
Seysmik hadisənin episentri Əfqanıstanın Bədəxşan bölgəsində, Tacikistanın İşkaşim yaşayış məntəqəsindən 26 kilometr şimal-qərbdə olub.
Zəlzələnin ocağı 104 kilometr dərinlikdə yerləşib.
Məlumata görə, yeraltı təkanlar Tacikistanla yanaşı Özbəkistanda da hiss olunub.
İtkilər və dağıntılar barədə məlumat verilməyib.
