Ən çox sevilən kinoların siyahısı dərc olundu

IMDB dünya kinolarına dair məlumat bazası bütün zamanların ən yaxşı 250 filminin siyahısını dərc edib.

Oxu.Az xəbər verir ki, bu reytinq onun rəsmi saytının milyonlarla istifadəçisinin səsvermələrinin nəticələrinə əsaslanır.

Tamaşaçıların əksəriyyətinin fikrincə, birinci yerdə Frenk Darabontun Stiven Kinqin romanı əsasında çəkdiyi "Şouşenkdən qaçış" (ing. The Shawshank Redemption) trilleri olub.

İlk onluğa Frensis Ford Koppolanın "Xaç atası" (ing. The Godfather), Kristofer Nolanın "Qara cəngavər" (ing. The Dark Knight) , Koppolanın "Xaç atası" II hissə, Sindi Lümetin "12 qəzəbli kişi" (ing. "12 Angry Men"), Piter Ceksonun "Üzüklərin hökmdarı: Kralın qayıdışı" (ing. The Lord of the Rings: The Return of the King), Stiven Spilberqin "Şindlerin siyahısı" (ing. Schindler's List), Kventin Tarantinonun "Kriminal qiraət" (ing. "Pulp Fiction"), Piter Ceksonun "Üzüklərin Hökmdarı: Üzük Qardaşlığı" (ing. The Lord of the Rings: The Fellowship of the Ring), Serco Leonenin "Yaxşı, Pis və Çirkin" (ing. (The Good, The Bad and The Ugly") filmləri daxil olub.

Beləliklə, italiyalı müəllif Leone bu reytinqdə adı keçən ilk qeyri-amerikalı rejissor olub.

Bu reytinqdə yer alan ilk cizgi filmi yapon klassiki Hayao Miyadzakinin "Ruhlarla sovrulanlar" (ing. "Spirited Away") filmidir (32-ci yer). Sonrakı yerdə Rocer Allers və Rob Minkoffun "Kral Şir" (ing. "The Lion King") olub.