Ərdoğan PKK-nın özünü ləğv etməsinə münasibət bildirib

"Terrorsuz Türkiyə prosesində daha bir kritik mərhələni geridə qoyduq".

Oxu.Az "Haber Global" telekanalına istinadla xəbər verir ki, bunu Türkiyə Prezidenti Rəcəb Tayyib Ərdoğan hökumətin iclasından sonra çıxışında PKK terror təşkilatının özünü ləğv etməsi qərarına toxunarkən deyib.

Onun sözlərinə görə, bu qərar PKK-nın Şimali İraq daxil olmaqla, Suriya və Avropadakı bütün qollarını da əhatə etməlidir:

"Verilən sözlərə əməl edilməsi üçün bundan sonrakı prosesi çox böyük həssaslıqla təqib edəcəyik".

Ərdoğan PKK-nın özünü ləğv etməsinə münasibət bildirib