Ermənistan və İraq hərbi əməkdaşlığı müzakirə ediblər - FOTO

Ermənistan prezidenti Vaaqn Xaçaturyan Bağdada ilk rəsmi səfəri zamanı iraqlı həmkarı Əbdüllətif Camal Rəşid və ölkənin baş naziri Məhəmməd Şiyə əs-Sudani ilə görüşüb.

Bu barədə “Azad İran” “Telegram” kanalı məlumat yayıb.

“Biz müdafiə və təhlükəsizlik sahələrində Ermənistan-İraq əməkdaşlığının dərinləşdirilməsi perspektivlərinə toxunduq”, - deyə Ermənistan prezidenti görüş zamanı bildirib.

İraqın prezident administrasiyasının mətbuat xidmətinin verdiyi məlumata görə, Ermənistan prezidentinin İraqın Kürdüstan bölgəsinə də səfəri gözlənilir.