Əsəd rejiminin devrilməsindən sonra paytaxt Dəməşqdə tərk edilmiş vəziyyətdə tapılan tanklar uşaqların oyuncağına çevrilib.
Oxu.Az bu barədə Türkiyənin "Yeniçağ" nəşrinə istinadən xəbər verir.
Suriyada rejimin müxaliflər tərəfindən devrilməsi nəticəsində Bəşər Əsəd Rusiyaya qaçıb. Əsəd rejiminə bağlı əsgərlərin paytaxt Dəməşqdə yol kənarlarında tərk etdiyi tanklar uşaqların oyuncağına çevrilib. Ailələri ilə birlikdə tankların yanına gələn uşaqlar əvvəlcə zəfər pozası veriblər, sonra da tankın içərisinə girib oynayıblar.
"Deyr əz-Zordan gəldik, orada çox şəhid verdik. Allaha şükür, Əsəd devrildi. Biz də Dəməşqə gəldik. Bunu qeyd etdik, çox xoşbəxtik. Bütün ölkələrdən biz yardım istəyirik. Əsəd buraya gətirilsin və edam edilsin", - deyə uşaqları ilə birlikdə Əsəd rejiminin devrilməsini qeyd edən Fatma Əl Hüseyini sevincini bölüşüb.
