Cənubi Koreyanın paytaxtı Seulda keçirilən konsert faciə ilə yekunlaşıb.
Oxu.Az musavat.com-a istinadən xəbər verir ki, məlumatı Associated Press agentliyi yayıb.
700 nəfərin tamaşa etdiyi konsert zamanı 16 nəfər ölüb, 11 nəfər isə yaralanıb. Hadisə betonun üzərində olan dəmir məhəccərin sıradan çıxması ucbatından baş verib. Hazırda 8 nəfər yaralının həyatla ölüm arasında olduğu bildirilir.
Tədbirin keçirilməsinə məsul olan şəxs polis tərəfindən dindirilib. Az sonra isə 37 yaşlı təşkilatçı özünü onuncu mərtəbədən ataraq, həyatla vidalaşıb.
Yerli polis bildirib ki, bədbəxt hadisə təhlükəsizlik qaydalarının kobud şəkildə pozulması ucbatından baş verib.
