Fransanın şimalındakı Nor departamentində milli komandanın futbol üzrə dünya çempionatının 1/4 final mərhələsindəki qələbəsini qeyd edərkən ölüm hadisəsi baş verib.
Oxu.Az xəbər verir ki, bu barədə "La Voix du Nord" qəzeti məlumat yayıb.
Nəşrin məlumatına görə, həyatını itirən şəxs 17 yaşlı qızdır. Qeyd olunur ki, şənliklər zamanı o, yük maşının arxa hissəsinə çıxıb və avtomobil dairəyə girərkən arxa təkərlərin altına yıxılıb. Əraziyə cəlb edilən təcili tibbi yardım briqadasının səylərinə baxmayaraq onun həyatını xilas etmək mümkün olmayıb.
Bədbəxt hadisə iyulun 10-na keçən gecə qeydə alınıb. Nəqliyyat vasitəsini idarə edən şəxs hüquq-mühafizə orqanları tərəfindən saxlanılıb.
Xatırladaq ki, Fransa milli komandası Mərakeş seçməsi üzərində 2:0 hesablı qələbə qazanıb. Yarımfinal mərhələsində fransızlar İspaniya və Belçika komandaları arasında baş tutacaq görüşün qalibi ilə qarşılaşacaqlar. Fransa yığmasının növbəti matçı iyulun 14-nə təyin edilib.
