Fransanın müdafiə naziri Ketrin Votrin Ukrayna Prezidenti Volodimir Zelenskini qətlə yetirilmiş karikaturaçı Jorje Volinski ilə səhv salıb.
Oxu.Az "Le Matin" nəşrinə istinadən xəbər verir ki, hadisə Zelenskinin Fransa lideri Emmanuel Makronla Fransada görüşü zamanı baş verib.
Məlumata görə, görüş zamanı Votrin Ukrayna liderini "müsyö Volinski" adlandırıb.
İddia olunur ki, Zelenski görüş zamanı Makronla söhbəti üçün tərcüməçilər də tapa bilməyib. O, zarafatla tərcüməçilərin alış-verişə getdiyini də dilə gətirib.
Xəbərdə bildirilir ki, Votrinin Zelenski ilə səhv saldığı karikaturaçı 2015-ci ildə təmsil etdiyi qalmaqallı "Charlie Hebdo" jurnalının ofisində "Əl-Qaidə" təşkilatının tərəfdarları tərəfindən öldürülüb.
