Fransalı siyasətçi Parisi hərbi əsir düşərgəsinə bənzədib

"Parisdə Olimpiya Oyunlarının açılışı ərəfəsində icazə rejimi tətbiq edildikdən sonra şəhər əsir düşərgəsi kimi görünməyə başlayıb".

Oxu.Az xəbər verir ki, bu fikri Fransanın Vətənpərvərlər Partiyasının lideri Florian Filippo "X" sosial şəbəkəsindəki səhifəsində bildirib.

"Dünən Parisi gəzərək gördüm ki, paytaxtı hərbi əsir düşərgəsinə çeviriblər! Söhbət etdiyim polis zabitləri etməli olduqları işin dəlicəsinə absurdluğunu başa düşdüklərini (evə qayıdan insanları skan etmək üçün vaxt sərf etdiklərini) söyləyiblər", - F.Filippo yazıb.

Siyasətçi qeyd edib ki, bu təhlükəsizlik sistemini təsvir edən qanun Fransa Prezidenti Emmanuel Makronun partiyası tərəfindən qəbul edilib və onlar buna görə yalnız utanc hissi keçirməlidirlər.

F.Filippo parisliləri QR kodları boykot etməyə çağırıb.

« Je veux juste aller travailler, c’est la rue à côté !
Tirez-moi dessus si je n’ai pas mon #QR code ! » (cf vidéo ⤵️)

➡️ Les gens vont légitimement devenir fous avec ces imbécilités de #PassJO et le retour honteux du #QRcode !

Pour m’être déplacé dans Paris hier (tout en… pic.twitter.com/rnnEd2WeX2

— Florian Philippot (@f_philippot) July 20, 2024