Tbilisinin Poniçala rayonunda yaşayış binasında baş verən partlayışın qurbanlarının xatirəsinə ehtiram olaraq 22 noyabr Gürcüstanda matəm günü elan edilib.
Oxu.Az xəbər verir ki, bu barədə Gürcüstan hökuməti məlumat yayıb.
Qərara əsasən, matəm günündə hər cür kütləvi əyləncə proqramları və tədbirlər qadağan ediləcək, bütün binalarda dövlət bayraqları yarıya qədər endiriləcək.
Qeyd edək, yaşayış binasındakı partlayış dünən səhər saatlarında baş verib. Nəticədə altı nəfər, o cümlədən azyaşlı ölüb, beş nəfər isə xəsarət alıb.