Harvard Universiteti Tramp administrasiyasının tələblərini yerinə yetirmək və Ağ Evlə mübahisəni həll etmək üçün 500 milyon dollara qədər vəsait ayırmağa hazır olduğunu bildirib.
Oxu.Az xəbər verir ki, bu barədə "New York Times" nəşri məlumat yayıb.
Qeyd olunur ki, tərəflər hələ maliyyə şərtlərini müzakirə edirlər. Eyni zamanda, Harvard Universiteti ABŞ hökumətindən onlara ayrılan maliyyəni bərpa etməyi və başqa ölkələrdən tələbələrin qəbuluna qadağanı aradan qaldırmağı tələb edir.
Xatırladaq ki, bir müddət əvvəl Harvard Universiteti Donald Trampın administrasiyasını məhkəməyə verib. Bildirilib ki, buna səbəb universitetin milyardlarla dollar dəyərində maliyyə vəsaitindən məhrum edilməsi olub. Universitet ABŞ hökumətini konstitusiyaya zidd və qanunsuz kampaniya aparmaqda ittiham edib. Donald Tramp administrasiyası isə universitetin daxilində antisemitizmin aradan qaldırılmasını istəyir.
