2023-cü il oktyabrın 7-də HƏMAS-ın musiqi festivalına hücumu zamanı sağ qalmağı bacarmış Yuval Rafael İsraili "Avroviziya"da təmsil edəcək.
Oxu.Az xəbər verir ki, bu barədə Eurovision.tv məlumat verib.
Final seçimində 24 yaşlı Yuval Rafael "Spectre" filmindən Sem Smitin "Writing's on the Wall" mahnısını ifa edib.
Müğənninin sözlərinə görə, o, 7 oktyabr faciəsi ilə bağlı şəxsi hekayəsini musiqi vasitəsilə insanlara danışmaq istəyir.
Qeyd edək ki, Yuval Rafael İsrailin cənubunda keçirilən Nova musiqi festivalının iştirakçısı olub. HƏMAS-ın hücumu zamanı, o, bir neçə saat bomba sığınacağında qalıb və xilas olmaq üçün özünü ölülüyə vurub.
