Hindistanda təyyarə qəzasında ölənlərin sayı 300 nəfəri keçdi

Hindistanın qərbində "Air India" aviaşirkətinə məxsus "Boeing 787-8 Dreamliner" sərnişin təyyarəsinin qəzaya uğraması nəticəsində 310-dan çox insan həlak olub.

Oxu.Az bu barədə "New Indian Express" qəzetinə istinadən xəbər verir.

Nəşrin məlumatına görə, polis qəzaya uğrayan təyyarənin göyərtəsində 240-dan çox insanın öldüyünü təsdiqləyib.

Daha 75 nəfər təyyarənin düşdüyü yerdə ölüb.

20:18

Hindistanın qərbində "Air India" aviaşirkətinə məxsus "Boeing 787-8 Dreamliner" təyyarəsinin qəzaya uğraması nəticəsində 290-dan çox insan həlak olub.

Oxu.Az bu barədə "Reuters" agentliyinə istinadla xəbər verir.

Bildirilir ki, söhbət həm təyyarənin göyərtəsində, həm də yerdə ölənlərdən gedir. Təyyarə yaşayış sahəsinə düşdüyünə görə yerdə də ölənlər olub.

18:32

Hindistanın Əhmədabad hava limanı yaxınlığında "Air India" sərnişin təyyarəsinin qəzaya uğramasına səbəb quş sürüsü ilə toqquşma ola bilər.

Oxu.Az bu barədə NDTV telekanalına istinadla xəbər verir.

Ekspertlər telekanala bildiriblər ki, quşlarla toqquşma təyyarənin uçuş sürətini azalda bilərdi. Həmçinin qeyd edilir ki, qəzaya uğramış "Boeing 787-8 Dreamliner" təyyarəsi 11 ildən çoxdur istismardadır.

Telekanalın məlumatına görə, baş vermiş faciə 2011-ci ildə kommersiya uçuşlarına başlayan "Boeing 787-8 Dreamliner" təyyarəsinin ilk qəzasıdır.

15:47

Hindistanın Əhmədabad hava limanı yaxınlığında təyyarənin qəzaya uğraması nəticəsində "Air India Boeing 787-8 Dreamliner"in göyərtəsində olan 242 nəfərin hamısı həlak olub.

Bu barədə Oxu.Az news18.com-a istinadən xəbər verir.

Məlumata görə, sərnişin təyyarəsinin həkimlərin yataqxanasına çırpılması nəticəsində orada yaşayan beş nəfər də həlak olub.

15:17

Hindistanın Əhmədabad aeroportu yaxınlığında sərnişin təyyarəsinin yataqxana binasına çırpılması nəticəsində ölənlərin sayı 170 nəfərə çatıb.

Oxu.Az bu barədə news18.com saytına istinadən xəbər verib.

Rusiya mətbuatı Hindistanda təyyarə qəzası nəticəsində tibb kollecində təhsil alan 20-yə yaxın tələbənin həyatını itirdiyi ehtimalını irəli sürüb.

"News18" agentliyi isə hadisə nəticəsində 30 tələbənin xəsarət aldığını yazıb.

14:31

Hindistanın Əhmədabad aeroportu yaxınlığında sərnişin təyyarəsinin yataqxana binasına çırpılması nəticəsində ölənlərin sayı 133-ə çatıb.

Oxu.Az news18.com-a bu barədə istinadən xəbər verir.

14:25

Qəzaya uğrayan sərnişin təyyarəsinin qanadlarından biri küçənin ortasında yerə çırpılıb. Hazırda xilasedicilər təyyarənin hissələrinin düşdüyü yaşayış binalarında yanğını söndürürlər.

Oxu.Az-ın xəbərinə görə, bu barədə "TimesNow" nəşri yazıb.

Yerli hakimiyyət orqanları Hindistanda qəzaya uğrayan təyyarənin həkimlər yaşadığı yataqxananın üzərinə düşdüyünü bildirirlər.

14:11

Hindistanın Əhmədabad hava limanı yaxınlığında "Air India" aviaşirkətinə məxsus sərnişin təyyarəsinin qəzaya uğraması nəticəsində ölənlərin sayı 110 nəfərə çatıb, həlak olanların artma ehtimalı yüksəkdir.

Bu barədə Oxu.Az "TimesNow" telekanalına istinadən xəbər verir.

Məlumata görə, təyyarədə 169 Hindistan, 53 Britaniya, yeddi Portuqaliya və bir Kanada vətəndaşı olub.

NDTV telekanalı bildirib ki, təyyarə qəzadan əvvəl qəza siqnalı verib. Onu 8 200 saat uçuş təcrübəsi olan kapitan Sumit Sabharval idarə edib.

Səlahiyyətlilər hələlik qəzanın səbəbini təsdiqləməyiblər. Mütəxəssislər qeyd edirlər ki, bunun üçün "qara qutu"nun təhlili üzrə hərtərəfli araşdırma tələb olunur.

13:53

Hindistanın aviasiya hakimiyyət orqanları qəzaya uğrayan təyyarənin göyərtəsində 12 nəfərlik ekipaj (2 pilot və 10 bort bələdçisi) daxil olmaqla, 242 nəfərin olduğunu rəsmən təsdiqləyiblər.

Bu barədə Oxu.Az Hindistan KİV-lərinə istinadən xəbər verir.

Ölkə polisi də Hindistanın qərbindəki Qucarat ştatının ən böyük şəhəri olan Əhmədabad hava limanı yaxınlığında baş verən təyyarə qəzası faktını təsdiqləyib və hazırda xilasetmə əməliyyatını davam etdirir.

"Flightradar24" aviasiya portalının məlumatına görə, sərnişin təyyarəsindən gələn siqnal havaya qalxdıqdan bir dəqiqə keçməmiş radardan itib. Məlumata görə, təyyarə yüksəkliyə qalxa bilməyib və yaşayış binalarının üzərinə düşüb.

Hindistanın NDTV telekanalı ümidverici xəbər verir: "Qəza yerində sağ qalanlar tapılıb və onlar təcili olaraq ən yaxın tibb müəssisələrinə aparılırlar.

Xilas edilənlərin dəqiq sayı və onların vəziyyəti barədə hələlik məlumat verilmir".

"News18" isə xəbər verir ki, Hindistanın aviasiya naziri Ram Mohan Naidu xilasetmə işlərinin koordinasiya edilməsi və qəzanın səbəblərini araşdırılması üçün təcili şəkildə hadisə yerinə gedib.

Bundan əlavə, Əhmədabad hava limanının mətbuat xidməti hava limanının müvəqqəti bağlandığını, bütün reyslərin ləğv edildiyini və uçuşların istiqamətinin dəyişdirildiyini bildirib.

13:29

Hindistanın qərbindəki Əhmədabad şəhərində hava limanı yaxınlığında qəzaya uğrayan "Air India" şirkətinə məxsus "Boeing 787-8 Dreamliner" təyyarəsinin qəza anının videosu yayılıb.

Oxu.Az göyərtəsində 240-dan çox sərnişinin olduğu təyyarənin qəza anının görüntüsünü təqdim edir:

Hadisə yerindən digər görüntülər:

13:14

Hindistanın qərbindəki Əhmədabad şəhərində hava limanı yaxınlığında qəzaya uğrayan "Air India" təyyarəsinin göyərtəsində 240-dan çox sərnişin olub.

Oxu.Az-ın xəbərinə görə, bu barədə NDTV xəbər verib.

Təyyarənin Böyük Britaniyanın paytaxtı Londona uçduğu bildirilir.

"Flightradar24" isə xəbər verir ki, qəzaya uğrayan "Boeing 787-8 Dreamliner" təyyarəsi olub və havaya qalxdıqdan bir neçə saniyə sonra qəza siqnalı verib.

12:53

Hindistanın Əhmədabad hava limanı yaxınlığında Londona uçan sərnişin təyyarəsi qəzaya uğrayıb.

Bu barədə Oxu.Az "RİA Novosti"yə istinadən xəbər verir.

Məlumata görə, göyərtədə 130 sərnişin olub.

Ölənlər və xəsarət alanlarla bağlı hələlik məlumat yoxdur.