Hindistanın Banqalor şəhərindəki stadionda baş vermiş izdiham nəticəsində azı 11 nəfər ölüb, onlarla insan xəsarət alıb.
Oxu.Az "News18" telekanalına istinadla xəbər verir ki, hadisə minlərlə kriket həvəskarının son 18 ildə ilk dəfə Hindistan Premyer Liqasının qalibi olan "Royal Challengers Bengaluru" komandasını qarşılamaq üçün stadiona toplaşması zamanı qeydə alınıb.
Tədbirdə iştirak etmək istəyənlərin sayı nəzərdə tutulandan çox olub. Nəticədə insanlar arasında təşviş yaranıb.
İzdiham zamanı ölənlər arasında uşaq da var, xəsarət alanlardan bir neçə nəfərin vəziyyəti ağırdır.
