Honkonqda baş verən yanğın nəticəsində ölənlərin sayı 36-ya çatıb.
Oxu.Az xəbər verir ki, bu barədə "South China Morning Post" məlumat yayıb.
Məlumata görə, daha 279 nəfər itkin düşüb. Yaralılardan 29 nəfər xəstəxanalardadır.
Çin Prezidenti Si Cinpin ölənlərə və onların ailələrinə başsağlığı verib.
Honkonqda yaşayış kompleksində baş verən yanğın nəticəsində ölənlərin sayı 12-yə çatıb, daha 16 yaralı isə xəstəxanaya aparılıb.
Oxu.Az "South China Morning Post" nəşrinə istinadən xəbər verir ki, ölənlər arasında 37 yaşlı xilasedici də var.
Sakinlər fövqəladə vəziyyətə səlahiyyətlilərin reaksiyasından narazılıqlarını bildiriblər. Onlar yanğını söndürmək üçün helikopterlərdən istifadə edilməməsindən şikayətləniblər.
Şahidlər yerli rəsmilərin dəqiq göstərişlərinin olmamasını və hadisə yerində xaosu da qeyd ediblər.
Qeyd olunur ki, sonuncu belə yanğın 2008-ci ildə Honkonqun Monq Kok rayonunda baş verib. Həmin vaxt dörd nəfər ölüb, 55 nəfər yaralanıb.
Honkonqun Tai Po rayonunda çoxmərtəbəli yaşayış kompleksində baş verən yanğın nəticəsində azı dörd nəfər ölüb.
Oxu.Az CNN-ə istinadən xəbər verir ki, yerli yanğınsöndürmə xidməti hadisə zamanı üç nəfərin xəsarət aldığını da bildirib.
Yerli mətbuatda ölənlərdən birinin xilasedici olduğu bildirilir, lakin bu məlumat hələlik təsdiqini tapmayıb.
Hələ də yanan binada köməksiz vəziyyətdə qalan insanların sayı barədə dəqiq məlumat yoxdur.
Qeyd olunur ki, bambukdan hazırlanan tikinti materialları binada yanğına səbəb olub. Honkonqda tikinti və təmir işləri üçün bambukdan istifadə olunur. Hökumət təhlükəsizlik problemləri səbəbindən ictimai layihələrdə bambukdan istifadəni mərhələli şəkildə dayandıracağını da açıqlayıb.
Honkonqun Tay Po rayonunda yaşayış kompleksində baş verən güclü yanğın nəticəsində azı iki nəfər ölüb.
Oxu.Az "Reuters"ə istinadən xəbər verir ki, yanan binada xeyli sakin köməksiz vəziyyətdə qaldığından, ölənlərin sayının artacağı istisna olunmur.
Yerli rəsmilər binada qapalı vəziyyətdə qalanların sayı və yanğının səbəbləri barədə məlumat verməyiblər.
Yanğınsöndürənlər alovun qarşısını almağa çalışırlar, xilasetmə işləri davam edir.
