Honkonq hökumət orqanları ötən həftə yaşayış kompleksində baş vermiş yanğınla əlaqədar ehtiyatsızlıqdan adam öldürmə şübhəsi ilə 13 nəfəri saxlayıblar.
Oxu.Az bu barədə Çin KİV-ə istinadən xəbər verir.
Yanğın hadisəsi üzrə aparılan istintaq tədbirləri çərçivəsində məlum olub ki, kompleks ərazisindən toplanmış 20 tikinti toru nümunəsindən yeddisi yanğınadavamlılıq standartlarına cavab verməyib.
Güman edilir ki, bu tor parçaları tezalışan poliuretan köpüklə birləşərək alovun sürətlə yayılmasına səbəb olub.
Xatırladaq ki, noyabrın 26-da Honkonqun Tai Po rayonunda təxminən 4 min nəfərin yaşadığı yaşayış kompleksində bir neçə çoxmərtəbəli binada yanğın baş verib. Yanğın nəticəsində azı 150 nəfər həyatını itirib.
