ABŞ-də yeni siyasi qurumun - Amerika Partiyasının yaradıldığını elan edən milyarder İlon Maska bir sıra məsləhətçilər, Libertarian Partiyası və Endrü Yanqın İrəli Partiyası kömək edir.
Oxu.Az xəbər verir ki, bu barədə "Axios" portalı mənbələrə istinadən məlumat yayıb.
Mask 2026-cı il ara seçkisində partiyasının siyasi destabilizator olmasını istədiyini bildirib. Məlumata görə, bu, ölkənin bütün hədləri aşan dövlət borcunu azaltmağa və dayanıqlı enerjini stimullaşdırmağa çalışan milyarder üçün inanılmaz bir addım idi.
Bir neçə gün əvvəl amerikalı milyarder "The America Party" (Amerika Partiyası) adlandırdığı öz siyasi təşkilatını yaratdığını elan etmişdi.
Donald Tramp bildirib ki, o, İlon Maskın sözün əsl mənasında ağlını itirdiyini görməkdən təəssüf hissi keçirir. Tramp əmindir ki, milyarderin ideyası iflasa məhkumdur.
