Noyabrda ABŞ-də keçiriləcək prezident seçkisi Respublikaçı namizəd Donald Trampın uduzacağı təqdirdə ABŞ üçün sonuncu seçki ola bilər.
Oxu.Az xəbər verir ki, bu barədə amerikalı iş adamı İlon Mask özünün "X" hesabında yazıb.
"Çox az amerikalı başa düşür ki, Tramp seçilməsə, bu, sonuncu seçki olacaq. O, heç də demokratiya üçün təhlükə deyil, onu xilas edə biləcək yeganə şəxsdir", - Mask yazıb.
Mask Demokratların namizədi Kamala Harris prezident seçkisində qalib gələrsə, qeyri-qanuni mühacirlərin gəlməyə davam edəcəyinə, onların tədricən vətəndaşlıq alacaqlarına və növbəti seçkidə səsvermə hüququ qazanacaqlarına inandığını bildirib. Beləliklə, sahibkar hesab edir ki, miqrantların səsini qazanaraq Demokratlar Partiyası dörd ildən sonra rəqabətsiz qalacaq və ABŞ-də yeganə seçki demokratların praymerisi olacaq.
Very few Americans realize that, if Trump is NOT elected, this will be the last election. Far from being a threat to democracy, he is the only way to save it!
— Elon Musk (@elonmusk) September 29, 2024
Let me explain: if even 1 in 20 illegals become citizens per year, something that the Democrats are expediting as fast… https://t.co/u3HBdd5Bv0
Xatırladaq ki, miqrasiya böhranı ABŞ-də hazırkı seçki kampaniyasının əsas mövzularından birinə çevrilib. Növbəti prezident seçkisi noyabrın 5-də keçiriləcək. Respublikaçılar qeyri-qanuni immiqrasiya ilə bağlı problemlərin kəskin artmasında demokratları günahlandırırlar.
Rəylər