Ərəb qəhvəsinin (Arabika) vətəni olan Efiopiyada qəhvə istehsalı əhalinin 20%-dən çoxu üçün gəlir mənbəyidir. Alimlərin yeni araşdırmasında müəyyən edilib ki, 2080-ci ilə qədər iqlim dəyişikliyi qəhvə yetişdirmək üçün yararlı ərazilərin 30-44% artmasına səbəb olacaq.
Oxu.Az bu barədə Gazeta.ru-ya istinadən xəbər verir.
Alimlər mövcud qəhvə istehsalı zonalarının paylanmasını və HadGEM2 və CCSM2 modellərindən proqnozlaşdırılan iqlim dəyişikliyini təhlil ediblər. Nəticələr göstərib ki, iqlim dəyişikliyi 2080-ci ilə qədər qəhvə yetişdirmək üçün yararlı əraziləri HadGEM2 və CCSM2 modellərinə görə müvafiq olaraq təxminən 44.2% və 30.37% artıracaq.
Tədqiqat, həmçinin göstərib ki, yetişdirmə zonaları qərb və şimal-qərb istiqamətində dəyişəcək. Bununla yanaşı, hazırda qəhvə yetişdirilən bəzi ərazilər ərəb qəhvəsi istehsalı üçün yararsız hala gələcək. Nəticələr Efiopiyaya iqtisadiyyatın ciddi pisləşməsinin qarşısını almaq üçün iqlim dəyişikliyinə hazırlaşmağa kömək edəcək.
Rəylər