Böyük Britaniya polisi ötən həftə ölkənin müxtəlif bölgələrində iki ayrı əməliyyat keçirərək yeddisi İran vətəndaşı olmaqla səkkiz nəfəri həbs edib.
Britaniya mətbuatı xəbər verir ki, həbslər cəmi bir neçə saat sonra ölkə ərazisində törədiləcək terror aktının qarşısını almaq üçün həyata keçirilib. Ölkənin terrorla mübarizə polisi əməliyyat zamanı əvvəlcə beş iranlını həbs edib. Polisin məlumatına görə, beş nəfərdən dördü İran vətəndaşıdır. Beşinci şəxsin milliyyəti açıqlanmayıb.
Beş nəfərin hədəf aldığı yer hazırda polis nəzarəti altındadır. İkinci əməliyyatda isə polis üç nəfərin Londonun üç fərqli yerində həbs edildiyini bildirib. Polis iki əməliyyatın əlaqəsi olmadığını da vurğulayıb. Bu həbslər Milli Təhlükəsizlik Qanununda nəzərdə tutulan səlahiyyətlər əsasında həyata keçirilib.
"The Telegraph" xəbər verib ki, Londonda sinaqoqun və ya yəhudi icmasına aid başqa bir yerin bu terror hücumunun hədəfi olması ilə bağlı fərziyyələr artıb.
Daha sonra "The Times" və "The Guardian" kimi nəşrlər öz mənbələrinə istinadən məlumat veriblər ki, həbs olunan şəxslər İsrailin Londondakı səfirliyinə hücum etməyi planlaşdırırmışlar. Bu məlumat rəsmi orqanlar tərəfindən hələlik nə təsdiq, nə də təkzib olunub.
Ətraflı "Azad İran" "YouTube" kanalının süjetində:
