İran prezidentinin azərbaycanlı xanıma təbriki ölkəni qarışdırdı

İran prezidenti Həsən Ruhani dünyada riyaziyyat üzrə Fields Medalına layiq görülən ilk qadın Məryəm Mirzəhanini təbrik edib. 

Oxu.Az-ın Azvision.az-a istinadən məlumatına görə, H.Ruhani İranda anadan olmuş azərbaycanlı xanımın açıq və örtüklü şəklini paylaşaraq təbrik edib:

“Filds medalını qazanan ilk qadın olan Məryəm Mirzəhani, təbriklər, biz iranlıları çox qürurlandırdın”.

İran prezidentinin M.Mirzəhaninin örtüksüz şəkilini paylaşması bəzi saytlarının hədəfinə tuş gəlib. Ruhaninin bu addımı sosial şəbəkələrdə etirazlara səbəb olub.

Ruhaninin rəsmi internet saytında yer alan təbrik mesajında isə M.Mirzəhaninin hər hansı şəklində istifadə edilməyib.

Qeyd edək ki, İranda anadan olmuş, azərbaycanlı Stanford Universitenin professoru Məryəm Mirzəhani 1936-cı ildən indiyədək riyaziyyat sahəsində Nobel mükafatına bərabər sayılan qızıl Filds medalına layiq görülən ilk qadındır.

www.oxu.az