İran Təl-Əvivdəki Ben Qurion beynəlxalq hava limanına zərbə endirib

İran İsrailin hərbi obyektlərinə, o cümlədən Təl-Əvivdəki Ben Qurion beynəlxalq hava limanında yerləşən hədəfə raket və pilotsuz təyyarələrlə hücum edib.

Oxu.Az bu barədə İran dövlət televiziyası tərəfindən yayılan İslam İnqilabı Keşikçiləri Korpusunun (SEPAH) bəyanatına istinadən xəbər verir.

"Doğru vəd 3" əməliyyatının 18-ci dalğası Ben Qurion hava limanında və ölkənin digər ərazilərində İsrail ordusunun hərbi hədəfləri və əməliyyat dəstək mərkəzlərinin uğurla məhv edilməsi ilə başa çatıb. Əməliyyat çoxlu sayda "Şahed-136" PUA-ları, həmçinin yüksək dəqiqliyə malik raketlərindən istifadə edilərək həyata keçirilib", - deyə SEPAH-ın məlumatında qeyd olunur.

13:16

İsrail Müdafiə Qüvvələri (IDF-SAXAL) ölkənin şimalındakı Ramat Maqşimim şəhəri yaxınlığında İrana məxsus pilotsuz uçuş aparatının zərərsizləşdirildiyini açıqlayıb.

Oxu.Az xəbər verir ki, bu barədə SAXAL-ın Mətbuat Xidməti məlumat yayıb.

İsrail mətbuatının məlumatına görə, bu gün səhər saatlarından etibarən İranın PUA və raketlərlə kütləvi hücumlara başlayıb.

Bildirilir ki, "Tseva adom" ("Qırmızı rəng" - İsrailin hava hücumundan xəbərdarlıq sistemi) sistemi ölkənin müxtəlif şəhərlərində bir neçə dəfə aktivləşdirilib.

Lakin pilotsuz uçuş aparatlarından biri hədəfinə çatıb, Beyt Şeandakı yaşayış binasını vuraraq yanğına səbəb olub. Hadisə nəticəsində ölən və xəsarət alanlar haqqında məlumat verilməyib.