İrəvan yaxınlığında güclü partlayışda xəsarət alanların sayı artıb

Ermənistanın Abovyan şəhərində qazdoldurma məntəqəsində baş vermiş yanğın söndürülüb, soyutma işləri davam edir.

Son məlumatlara görə, yeddi nəfər xəsarət alıb, onlardan biri tibbi yardım aldıqdan sonra xəstəxanadan buraxılıb. Ölən yoxdur.

Hazırda İrəvan-Sevan avtomobil yolunun 16-18-ci kilometrləri hər iki istiqamətdə bağlıdır.

06 iyun, 21:06

İrəvanın yaxınlığındakı Abovyan şəhərində qazdoldurma məntəqəsində baş vermiş güclü partlayış nəticəsində azı beş nəfər yaralanıb.

Bu barədə ölkənin Səhiyyə Nazirliyi məlumat yayıb.

"İrəvan-Sevan yolunda baş vermiş partlayış və ardınca yanğın nəticəsində, ilkin məlumatlara görə, beş vətəndaş xəstəxanaya yerləşdirilib", - nazirliyin "Facebook" səhifəsində bildirilib.

06 iyun, 19:50

İrəvanın yaxınlığındakı Abovyan şəhərində yanacaqdoldurma məntəqəsində güclü partlayış olub.

Məlumata görə, Abovyan şəhərində qazdoldurma məntəqəsində partlayış baş verib.

"911 xidmətinə İrəvan-Sevan yolunun 2-ci kilometrliyində yanacaqdoldurma məntəqələrindən birində partlayış olduğu, nəticədə yanğın baş verdiyi barədə məlumat daxil olub. Oraya Daxili İşlər Nazirliyinin xilasetmə xidmətinin döyüş briqadaları göndərilib. Ətraflı məlumat veriləcək", - ölkənin Daxili İşlər Nazirliyi məlumatı təsdiqləyib.

Mənbə: Ermənistan KİV