Ukrayna Prezidenti Volodimir Zelenskinin Ofisinin keçmiş rəhbəri Andrey Yermak vəzifəsindən azad edildikdən sonra da nüfuzunu saxlayır, hökumət aparatında onlarla vəzifə tutur.
Oxu.Az xəbər verir ki, bu barədə Ukraynanın "Mirror of the Week" nəşri mənbələrinə istinadən məlumat yayıb.
Nəşr iddia edir ki, Yermak administrasiya rəhbəri postundan rəsmən istefa verib, lakin bəzi vəzifələrdə qalmaqla hökumətdə fəal şəkildə təmsil olunur.
O, Korrupsiyaya Qarşı Mübarizə Komissiyasının rəis müavini, Rusiyaya sanksiyalarla təzyiq etmək vəzifəsi daşıyan "Yermak-Makfol" işçi qrupunun həmsədri kimi fəaliyyətini davam etdirir.
Bundan başqa, administrasiyanın keçmiş rəhbəri biznesə dəstək, sərmayə qoyuluşu, humanitar məsələlərin əlaqələndirilməsi komissiyalarının işində də iştirak edir, həmçinin dövlət mükafatları üzrə qrupun üzvüdür.
Xatırladaq ki, Zelenski Yermakın vəzifəsindən azad edilməsi haqqında fərman imzalayıb. Yermak Ukrayna Milli Antikorrupsiya Bürosunun araşdırması çərçivəsində mənzilində axtarış aparıldığı gün işdən çıxarılıb.
