İspaniyada elektrik kəsintisi: Milli Təhlükəsizlik Şurasının təcili iclası çağrıldı

İspaniya hökuməti ölkədə elektrik enerjisinin verilişində yaranan genişmiqyaslı fasilələr fonunda təcili olaraq Milli Təhlükəsizlik Şurasının iclasını çağırıb.

Oxu.Az-ın xəbərinə görə, bu barədə "El Mundo" qəzeti məlumat verib.

Məlumata görə, iclasda hökumətin sədri, müdafiə qərargahının rəisi və kəşfiyyat xidmətinin rəhbəri iştirak edəcəklər.

Qeyd edək ki, daha əvvəl bütün İspaniya ərazisində elektrik kəsintisi baş verib, blekaut (elekrik kəsintisi), həmçinin Portuqaliya, Fransa və Andorraya da təsir edib. Kəsintilər bir neçə dəqiqədən bir neçə saata qədər davam edib. Bu səbəbdən Madridin Baraxas Beynəlxalq Hava Limanı fəaliyyətini dayandırıb, metro və işıqforlar işləməyib. Naməlum səbəbdən ölkədə elektrik enerjisi istehlakı 25 184 meqavatdan 12 425 meqavata düşüb. Hələlik baş verənlərlə bağlı rəsmi açıqlama yoxdur.

"Red Electrica" dövlət şirkəti təcili bərpa planını işə saldığını və digər enerji şirkətləri ilə səylərini birləşdirdiyini açıqlayıb. Operatorun rəhbərinin sözlərinə görə, İspaniyanın elektrik şəbəkəsinin elektrik enerjisini bərpa etməsi üçün 6-10 saata qədər vaxt lazım ola bilər.

İspaniyada elektrik kəsintisi: Milli Təhlükəsizlik Şurasının təcili iclası çağrıldı