İranda İslam İnqilabı Keşikçiləri Korpusunun qərargahında partlayışlar baş verib.
Bu barədə jurnalist Qurbakşi Sinq Çahal “Twitter”də məlumat yayıb.
“İranın Mahabad şəhərində İslam İnqilabı Keşikçiləri Korpusunun qərargahında partlayışlar baş verib. Partlayışların səbəbi hazırda məlum deyil”, - o yazıb.
Bununla yanaşı, İsrail Hərbi Hava Qüvvələri SEPAH-ın yük maşını karvanını bombalayıb. Hadisə İraq və Suriya sərhədindəki Əbu Kamal şəhəri yaxınlığında baş verib.
Məlumata görə, 25 yük maşınından ibarət avtomobil karvanına hücum edilib. Versiyalardan birinə görə, yük maşınları silah, o cümlədən kamikadze dronları daşıyıb.
Hadisə yerində güclü yanğın baş verib. Mümkün tələfat barədə hələ ki, məlumat yoxdur.
Mənbə: sm.news
00:43
İranın sərhədyanı bölgəsində yerləşən Bane şəhərində həyəcan siqnalından sonra partlayış səsləri eşidilib.
Bu barədə “Azad İran” “Telegram” kanalında məlumat verilib.
00:04
İranda vəziyyət gərgin olaraq qalır.
Bu gecə də ölkənin bəzi bölgələrinə mümkün hava hücumları barədə sosial şəbəkələrdə məlumatlar yayılır.
Belə hadisələrdən biri Qərbi Azərbaycan vilayətinin Mehabad şəhərində baş verib.
Yayılan kadrlarda sənaye və ya hərbi obyektlərdən birində yanğının baş verməsi əks olunub.
Hadisənin təfərrüatları, mümkün dağıntı və tələfat barədə hələ ki, məlumat yoxdur.
