İsrailin zərbəsindən sonra İranın "Cənubi Pars" yatağının 14-cü sektorunda 12 milyon kubmetr həcmin qazın hasilatı dayandırılıb.
Oxu.Az xəbər verir ki, bu barədə İranın "Tasnim" agentliyi məlumat verib.
Daha əvvəl, İsrailə məxsus pilotsuz uçuş aparatı sahəyə xidmət göstərən infrastruktur obyektlərindən birinə hücum edib. Zərbənin nəticəsində yaranan yanğın qısa zamanda söndürülüb.
İsrail ordusu İranın Buşəhr şəhərindəki "Pars" qaz yatağını bombalayıb.
Oxu.Az xəbər verir ki, bu barədə "Fars" xəbər agentliyi məlumat verib.
Qeyd olunur ki, İsrail Hərbi Hava Qüvvələri İran və Qətər tərəfindən işlədilən və dünyanın ən böyük təbii qaz yatağı olan "Cənubi Pars" qaz yatağının 14-cü sektoruna zərbə endirib.
