İsrail ordusu "Hizbullah" komandirini məhv edib

"Hizbullah" hərəkatının raket və bomba bölmələrinin səhra komandiri Hüseyn Əli Hüseyn İsrailin Livanın cənubunda endirdiyi zərbə nəticəsində öldürülüb.

Oxu.Az "osnmedia.ru"ya istinadən xəbər verir ki, bu barədə İsrail ordusunun mətbuat xidməti məlumat yayıb.

Qeyd olunur ki, İsrail Hərbi Hava Qüvvələrinin qırıcıları Livanın Deyr Qanun bölgəsinə hücum ediblər.

Bundan əlavə, Əl-Taybə bölgəsində "Hizbullah"ın tərkibində fəaliyyət göstərən bir dəstə müəyyən edilərək hücuma məruz qalıb. Ordunun mətbuat xidməti həmçinin Bekaa bölgəsində hərəkatın bir neçə silah-sursat anbarına hücumlar təşkil edildiyini bildirib.