İsveçin məşhur "Ericsson" telekommunikasiya şirkəti işçilərindən 1 600 nəfəri ixtisar etməyi planlaşdırıb.
Oxu.Az xəbər verir ki, bu barədə şirkətdən rəsmi məlumat verilib.
"Təklif olunan işçi qüvvəsinin ixtisarları "Ericsson"un texnologiya liderliyi, fərqli xidmətlər və yeni pul qazanma imkanları təqdim edən yüksək performanslı, proqramlaşdırılabilən şəbəkələrin qurulması strategiyasıdır. Bu, vacib olan investisiyaları qoruyub-saxlamaqla yanaşı, xərclərin səmərəliliyini artırmaq üçün qlobal təşəbbüslərin bir hissəsidir. İsveçdə təxminən 1 600 iş yeri ixtisar oluna bilər", - deyə şirkətdən bildirilib.
"Ericsson" 1876-cı ildə təsis edilmiş aparıcı şəbəkə və telekommunikasiya şirkətidir. Şirkət "5G" də daxil olmaqla mobil texnologiyaların inkişafı üzrə dünyanın telekommunikasiya operatorlarına, müəssisələrinə, dövlət sektoruna proqram təminatı və xidmətlər göstərməsi ilə tanınır. Baş ofisi Stokholmda yerləşən şirkət 180 ölkədə fəaliyyət göstərir. Sözügedən qurumun 92 min işçisi var, onlardan da 14 500-ü İsveçdədir.
