ABŞ-nin vitse-prezidenti, Demokratların dövlət başçısı vəzifəsinə namizədliyinə əsas namizəd Kamala Harris sentyabrda keçiriləcək debatda ölkənin keçmiş lideri Donald Trampla görüşməyə hazır olduğunu açıqlayıb.
Oxu.Az xəbər verir ki, bu barədə "NBC News" məlumat yayıb.
Onun sözlərinə görə, söhbət hələ Ağ Evin hazırkı rəhbəri Co Bayden yarışı tərk etməzdən əvvəl planlaşdırılan 10 sentyabr debatından gedir.
"Mən Donald Trampla debatı səbirsizliklə gözləyirəm və artıq tarix müəyyən edilib - 10 sentyabr", - Harris bildirib.
Eyni zamanda Tramp vitse-prezidentə sentyabrda üç raund debat keçirmək təklifi ilə çıxış edib. Respublikaçı Mar-a-Laqo mülkündə keçirdiyi mətbuat konfransında müvafiq olaraq 4, 10 və 25 sentyabr tarixlərində "Fox News", "NBC News" və "ABC News"da əvvəlcədən razılaşdırılmış debatlardan danışıb. Bununla belə, Tramp Harrisin onunla debata razılaşacağına şübhə edirdi.
Rəylər