Ən son xəbərləri bizim Telegram kanalımızda izləyin

Keçmiş dünya çempionu məsciddə DAVA SALDI: Təmizlik işçisini xəstəxanalıq etdi
Türkiyədə kikboksinq üzrə keçmiş dünya çempionu Yavuz Özden İstanbulun Zeytinburnu rayonunda yerləşən bir məsciddə dava salıb.
Bu barədə Oxu.Az İHA-ya istinadən xəbər verir.
Məlumata görə, Yavuz Özden məsciddə əlillər üçün nəzərdə tutulan tualetə təpik vuraraq içəridə adam olub-olmadığını yoxlamaq istəyib. Bu zaman Osman Amaç adlı təmizlik işçisi ona xəbərdarlıq edib. Boksçu işçiyə şiddət göstərib və onu yumruqlayıb. İşçi özünü müdafiə etmək istəsə də, Özden onu yerə yıxıb və döyməyə davam edib. Məsciddəkilər araya girərək tərəfləri ayırıblar.
Osman Amaç xəstəxanaya yerləşdirilib. Təmizlik işçisinin çənəsinin qırıldığı, həmçinin qismən üz iflici keçirdiyi məlum olub. Müalicəsi başa çatdıqdan sonra xəstəxanadan buraxılan Amaç polis bölməsinə gedərək Özdendən şikayət ərizəsi yazıb.
Bundan qısa müddət sonra Yavuz Özden saxlanılıb.
Dəhşətli hadisə anbaan təhlükəsizlik kameralarına əks olunub.
"Türkiyə" teqi üzrə xəbərlər
- Türkiyədə orta əsrlərdən qalan insan mumiyasını satmaq istəyən şəxslər saxlanılıb
- Məşhur türkiyəli müğənni Balidə xəstəxanalıq oldu
- Makron bəzi ölkələrin baş qərargah rəisləri ilə görüşüb
- Türkiyədə dəmir yolu xəttinin tikintisi zamanı FACİƏ
- "Survivor" şousunda kuryoz hadisə: Adada tikilən evlər hökumət tərəfindən söküldü