Li Harvi Osvaldın (rəsmi olaraq ABŞ prezidenti Con Kennedinin qatili kimi tanınan şəxs) dul arvadı həm Kennedinin, həm də ərinin ölümündən maddi qazanc əldə edib.
Oxu.Az xəbər verir ki, bu barədə aif.ru məlumat yayıb.
С.Kennedi 1963-cü il noyabrın 22-də Dallasda güllələnib və Osvald iki gün sonra gecə klubunun sahibi Cek Rubi (hakimiyyət orqanlarının məlumatına görə, o, 1967-ci ildə xərçəngdən vəfat edib) tərəfindən öldürülüb.
Li Harvi Osvaldın dul arvadı, keçmiş SSRİ-nin Severodvinsk şəhərindən olan Marina Prusakova 1961-ci ildə ailə qurub və əri ilə birlikdə ABŞ-yə köçüb. C.Kennedinin sui-qəsdindən və ərinin ölümündən dərhal sonra o, pulsuz qalıb. Lakin tezliklə onun hesablarına "naməlum donorlardan" 70 min dollar daxil olub - 1963-cü ildə bu, çox böyük məbləğ olub.
Marina iddia edirdi ki, ona bu qədər pulu anonim şəkildə kimin bağışladığını bilmir. O, həmçinin Li Harvinin gündəliyini (ərinin SSRİ-də yaşayarkən yazdığı) mətbuata 20 min dollara və Osvaldın həyətlərində Kennedini öldürmək üçün istifadə edəcəyi tüfənglə poza verdiyi şəkli 5 min dollara satıb. Osvald özü silahı 19 dollar 95 sentə alıbmış.
Beləliklə, Marina Osvaldın ümumi gəliri 1963-cü ildə 95 000 dollar təşkil edib. Bu məbləğ inflyasiya nəzərə alınmaqla bu gün təxminən 935 000 dollara bərabərdir.
