ABŞ Prezidenti Donald Trampın administrasiyası ölkənin miqrasiya siyasətini əsasən Avropa və Cənubi Afrika Respublikası (CAR) ərazisindən olan ağdərili qaçqınların qəbuluna yönəltmək niyyətindədir.
Oxu.Az xəbər verir ki, bu barədə "The New York Times" qəzeti məlumat yayıb.
Qeyd olunur ki, bəzi sənədlərə əsasən, dünya əhalisinin ən həssas təbəqələrinə kömək etmək məqsədi daşıyan mövcud miqrant qəbulu sistemi yenidən qurulacaq və əsasən təqib riski ilə üzləşən ağdərili insanlara üstünlük verəcək. Məlumata görə, söhbət əsasən ingilisdilli avropalılar və CAR sakinlərindən gedir.
İddia olunur ki, yeni proqram digər avropalıları da əhatə edə bilər - xüsusilə öz ölkələrinin miqrasiya siyasətinə qarşı çıxan və "populist partiyaları" dəstəkləyən şəxslər bu kateqoriyaya daxildir. Onlar, dinc şəkildə fikirlərini ifadə etdikləri üçün təqibə məruz qaldıqları halda ABŞ-də qaçqın statusu ala biləcəklər.
