Tramp administrasiyası ABŞ-nin İranın nüvə obyektlərinə son zərbələrindən sonra Tehrandan cavab addımı gözləyirdi.
Oxu.Az xəbər verir ki, bu barədə CNN məlumat yayıb.
Məlumata görə, Vaşinqton İranın cavabından sonra eskalasiyaya can atmır.
Bildirilir ki, iranlı general Qasım Süleymaninin öldürülməsindən sonra da Tehran analoji cavab verib və öz zərbəsi barədə qarşı tərəfi öncədən məlumatlandırıb.
Qeyd olunur ki, ABŞ-nin Yaxın Şərqdəki Mərkəzi Komandanlığına "hücum" rejimi əvəzinə "müdafiə" rejiminə qayıtmaq əmri verilib. Belə ki, ABŞ və İran arasında hərbi zərbə mübadiləsi başa çatıb.
