ABŞ hökumətinin Ukraynada münaqişənin dayandırılması üzrə təklifləri rəsmi Kiyevin ərazidən, eləcə də müəyyən silah növlərindən imtinasını və ordunun kiçildilməsini nəzərdə tutur.
Oxu.Az bildirir ki, bu barədə məlumatı "Reuters" agentliyi mənbələrə istinadən xəbər verir.
Agentliyin mənbələrinin sözlərinə görə, Vaşinqton Ukrayna Prezidenti Volodimir Zelenskiyə ölkəsinin münaqişənin dayandırılmasına dair çərçivə sazişini və onun əsas bəndlərini qəbul etməli olduğu barədə məlumat ötürüb.
"Axios", CNN və "Politico" media orqanlarının məlumatına görə, ABŞ Kremldən münaqişəni bitirməyə hazır olduğu barədə siqnallar aldıqdan sonra Ukrayna ilə bağlı danışıqları bərpa edib.
