Suriyanın sabiq prezidenti Bəşər Əsədin zəhərlənmə cəhdindən sonra Rusiya paytaxtında xəstəxanaya yerləşdirildiyi məlum olub.
Oxu.Az -ın məlumatına görə, bu barədə "Sbisiali" öz mənbələrinə istinadla xəbər yayıb.
Bildirilir ki, Əsəd intensiv tibbi yardım aldıqdan sonra xəstəxanadan buraxılıb. Həkimlər onun vəziyyətini stabil kimi qiymətləndiriblər.
Xəstəxanada olduğu müddətdə onu yalnız məhdud sayda şəxs ziyarət edə bilib. Onların arasında sabiq prezidentin qardaşı Mahir Əsəd və prezident işləri üzrə keçmiş baş katib Mansur Əzzam da olub.
Mənbənin iddiasına görə, sui-qəsd cəhdinin arxasında sırf şəxsi hücum yox, daha geniş siyasi motivlər dayanır. Əməliyyatı təşkil edənlərin məqsədinin Əsədin qətlində Rusiya hökumətini günahlandırmaq olduğu ehtimal edilir.
