Ermənistanın sabiq prezidenti Robert Koçaryana ölkənin Konstitusiya quruluşunu devirməkdə ittiham irəli sürülüb.
Oxu.Az xəbər verir ki, belə bəyanatla Ermənistanın Xüsusi İstintaq Xidməti çıxış edib.
“2008-ci il martın 1-2-də baş verən hadisələrlə bağlı başlanan cinayət işi üzrə toplanan sübutlar əsasında 2018-ci il iyulun 26-da Ermənistanın sabiq prezidenti Robert Koçaryana digər şəxslərlə əvvəlcədən əlbir olaraq ölkənin Konstitusiya quruluşunu devirməkdə ittiham irəli sürülüb”, - məlumatda deyilir.
Elə həmin gün Yerevan məhkəməsi Robert Koçaryan barəsində həbs qəti imkan tədbiri seçib.
