Konqo Demokratik Respublikasında (KDR) Ebola epidemiyası səbəbindən ölənlərin sayı artıb.
Oxu.Az "Haber Global"a istinadən xəbər verir ki, bu barədə Konqonun Səhiyyə Nazirliyindən məlumat verilib.
Son məlumatlara görə, Eboladan ölənlərin sayı 3 267 nəfərə çatıb.
Epidemiya ölkənin 6 əyalətinin 61 bölgəsini təsir altında saxlamağa davam edir.
Bu günə qədər ölkədə 6 757 yoluxma halı təsdiqlənib ki, bunlardan 3 267-si ölümlə nəticələnib, 1 590 nəfərdə isə sağalma qeydə alınıb.
Epidemiya zamanı ölüm nisbəti 48.3 faizə çatıb.
Qaynar xətt:
(055) 224 12 12
