Konqoda Ebola virusundan həyatını itirənlərin sayı 500-ü ötüb

Konqo Demokratik Respublikasında (KDR) yayılmış Ebola virusu nəticəsində 506 şəxs həyatını itirib.

Oxu.Az xəbər verir ki, bu statistikanı Konqo Mətbuat Agentliyi (ACP) yayımlayıb.

Agentliyin təqdim etdiyi rəqəmlərə görə, respublikada ümumilikdə 1 561 rəsmi təsdiqlənmiş yoluxma faktı aşkarlanıb və onlardan 253 nəfər xəstəliyə qalib gələrək sağalıb. Xəstəlik üzrə ölüm göstəricisi 32.4% təşkil edir, virus daşıyıcıları ilə təmasda olan şəxslərin isə 81.6%-ni izləmək və nəzarətə almaq mümkün olub.